Himpit nga pagtuo, bitbit sang mga deboto sa pagbisita sa imahen sang Madre Peregrina de Mexico

Himpit nga pagtuo ang bitbit sang mga deboto sa ila pagbisita sa imahen sang Madre Peregrina de Mexico nga nagalibot sa probinsya sang Capiz.

Sa interview sang Bombo Radyo kay Hyacinth Ong Viterbo, isa ka deboto, iya ginpahayag nga daku ang importansya sang pagpalig-on sang pagtuo sa Ginoo paagi sa padayon nga pagpangamuyo.

Suno kay Viterbo, importante gid ang pangamuyo, ilabi na ang pagpangadi sang Santo Rosaryo, bilang paagi sang pagpalapit kag pagpasalamat sa Ginoo.

Dugang pa niya, ang amo nga pag-ampo mahimo man nga mangin paagi sa pag-ululupod sang pamilya sa isa ka handum nga amo ang pagpalig-on sang ila pagtuo kag relasyon sa Ginoo.