ROXAS CITY – Panibag-o nga duha ka bulawan nga medalya ang nakuha sang duha ka mga Capizeño athletes sa 110 meter hurdle-elementary girls and boys category sa nagapadayon nga Palarong Pambansa 2018 sa Vigan City, Ilocos Sur.
Nangin record breaker ang gold medalist nga si Trixie Jane Wely sang Barangay Badiangon, President Roxas, Capiz, hinablos ni President Roxas, Capiz Mayor Receliste ‘’Tanoy’’ Escolin sa 110 meter hurdle elementary girls subongman nakakuha sang bulawan nga medalya si John Paul Balsote sang banwa sang Sigma, Capiz sa 110 meter hurdle-elementary boys.
Sa exclusive interview sang Bombo Radyo Roxas kay Trixie Jane Wely, ginpahayag sini nga hugot nga pagpangamuyo kag training ang ginapang-uyatan sini sa iya pagpasakup sa nasambit nga sporting event.
Wala ginadula ni Wely sa iya pinsar ang masami ginapahanumdum sang iya ginikanan nga indi magpadala sa kahadluk kag magfocus sa iya nga ginahimo.
Samtang, malipayon naman si John Paul Balseote sa nakuha nga bulawan nga medalya.
Suno diri nga daku nga bagay na ini sa iya para makita nga may maayo nga resulta ang iya mga kabudlayan nga inagihan sa training.
