-- ADVERTISEMENT --
Gintay-og sang magnitude 5.0 nga linog ang pila ka bahin sang Hinatuan, Surigao del Sur sang Domingo sang gab-i suno sa Philippine Institute of Volcanology and Seismology (PHIVOLCS).
Base sa data sang PHIVOLCS, nagluntad ang linog mga alas 10:08 sang gab-i, Hunyo 14. Ang epicenter sini nahamtang sa 08.55°N, 126.80°E, ginabanta 54 kilometers northeast sang Hinatuan.
Suno sa ahensya, tectonic in origin ang linog kag may kadalumon nga 10 kilometros.
Wala naman sang ginalauman nga kahalitan sa pagtay-og, apang ginpanugyanan ang mga residente sa lugar nga mangin alerto sa posible aftershocks.
Padayon ang monitoring sang PHIVOLCS sa sitwasyon kasunod sang pagtay-og.
