ROXAS CITY -Nagapabilin nga at-large ang magpakaisa nga suspetsado sa pagtiro-patay sa barangay tanod sa Barangay Manoling Presidente Roxas Capiz.
Base sa interview sang Bombo Radyo sa hepe sang President Roxas Municipal Police Station nga si Police Captain Hilbert Gevero, hinubog ang motibo sa pagtiro patay sa biktima nga barangay tanod nga si Jerry Abendaño 27 anyos sang magpakaisa nga suspek nga sanday Gabriel Batan kag Elohilo Batan lunsay residente sang nasambit nga lugar.
Ginpahayag ni Gervero nga may yara sang nagreklamo sa biktima natuhoy sa tuman kabaskog nga pagpatunog sang videoke sang mga suspetsado.
Apang ginkaakig sang magpakaisa sang ginsaway ini sila ni Abendaño kun sa diin hinali gid lamang nga ginluthang sang mga suspetsado ang biktima nga naigo sa iya nga dughan.
Ginkompirmar man ni Gervero nga yara sa idalom sang impluwesiya sang makahulubog nga ilimnon ang magpakaisa sang natabo ang insidente.
