ROXAS CITY – Lakot ang emosyon sang isa ka History professor sa pagselebrar sang ika-124 nga anibersaryo sang kahilwayan sang Pilipinas.
Sa interview sang Bombo Radyo kay Prof. Terry Katigbak, bilang isa ka madugay na nga maestra sa subject nga History, ginkasubo sini ang iya nangin eksperensiya sa iya pagpadulong sa merkado publiko kaina sang aga.
Ini matapos nga natingala ang mga tawo sa merkado kun ano ang selebrasyon sa syudad bangud sa parada kag kasakuon sang karsada.
Wala sini mapunggan nga magtugda sa pagkatingala sang mga tawo kag gin-eksplekar nga subong nga adlaw ang ika-124 na katuig nga naangkon sang Pilipinas ang kahilwayan matapos ang 333 ka tuig nga pagpanakup sang Espanyol.
Nagapakita lamang suno diri nga daw nalimtan na sang pipila ka mga Pilipino ang nahimuan sang aton mga baganihan agud maangkon ang kahilwayan nga may yara kita subong.
Nagapati man ini nga indi kinahanglan nga magkapot sang armas-luthang agud matawag nga Baganihan, bangud ang simple nga aksyon nga makahatag sang maayo nga impact sa imo isigkatawo ang isa na ka akto sang pagiging baganihan.
Kaangay nalang suno diri sang ginhimo nga akto sa pagbulig sang mga grupo sang mga kabataan sa isa ka pribado nga eskwelahan, kun sa diin nagpatigayon ang mga ini sang donation drive para sa mga nahalitan sang nagpanalasa nga bagyong Agaton sa Capiz.
Ginhangkat man sini ang mga pamatan-on sa subong nga mangin pro-active para sa ikaayo sang pungsod, bangud indi maintindihan ang palaubuton, kun indi pagtun-an ang kasaysayan.
