Ginpahayag ni Senador Sherwin Gatchalian nga kinahanglan sang holistic approach para epektibo nga matuman ang direktiba ni Presidente Ferdinand Marcos Jr. nga ibawal ang tanan nga operasyon sang Philippine Offshore Gaming Operators (POGO) sa pungsod pagkatapos sang tuig.
Ginhatagan naman pagtamud ni Gatchalian, nga indi lamang kinahanglan nakatutok ang pagtamud sa mga POGO nga lisensyado sang Philippine Amusement and Games Corp. (PAGCOR) bangud madamu sa gihapon ang mga POGO nga ilegal nga naga-operate, kasubong sang ginhambal sang Presidential Anti-Organized Crime Commission (PAOCC) nga naglab-ot pa sa masubra duha ka gatos ang numero.
Suno sa senador, apisar nga ipa-untat ang mga lisensyado nga POGO, apang indi naman nalagas ang mga ilegal, magapabilin sa gihapon ang operasyon sang POGO sa pungsod.
Indi mangin epektibo ang pagpasara kun magpadayon pa ang mga scam nga ginahimu nila.
Dugang pa sini nga ginpahayag man sang mamalidha nga dapat makig-angut ang Bureau of Internal Revenue (BIR) sa PAGCOR agud hibaluon ang balor sang gross gaming revenue (GGR) sang tagsa ka Internet Gaming Licensee (IGL), ang bag-o nga termino nga ginbaylo sa POGO.
