Hollywood actor nga si James Handy, patay matapos ginbuno sang anak sang iya nga partner

Nagtaliwan na ang Hollywood actor nga si James Handy sa edad nga 81.

Suno sa mga otoridad, napatay ang aktor matapos ginbuno sa iya puluy-an sa Tanzania.

Gin-aresto naman sang mga otoridad ang suspek nga anak sang iya partner nga si Michael Gledhill.

Gindala pa sa ospital ang biktima apang ginbawian man ini sang kabuhi makaligad ang pila ka oras.

Base sa imbestigasyon, nagtawag sa 911 ang suspek sa diin pag-abot sang mga responders boluntaryo ini nga nagsungka sa kapulisan.

Ang aktor kilala sa pila ka mga pelikula kaangay sang “Top Gun: Maverick”,” Jumanji” kag “Arachnophobia” kon sa diin ang iya karera sa pag-arte naglawig sang masobra lima ka dekada.