ROXAS CITY – Ginpatigayon kaina sang aga ang Holy Chrism mass sa immaculate Concepcion Metropolitan Cathedral nga ginpangunahan ni his Eminence Jose F. Cardinal Advincila D.D., ang outgoing archbishop sang arkidiosises sang Capiz kag incoming archbishop sang arkidiosises sang Manila.
Gintambungan ang nasambit nga misa sang mga kaparian gikan sa nagkalain lain nga parokya kag mission stations sa arkidiosises sang Capiz.
Sa nasambit man nga misa, ginpatigayon ang pag-bless sa mga oil nga ginagamit sa mga sakramento kasubong sang bunyag, confirma kag badlis.
Ginpahanumdum man ni Cardinal Advincula ang mga kaparian nga padayon nga pasanyugon ang pagpangamuyo, subongman sa mga tumuloong kristiyano ginpangabay sini nga padayunon ang pagpalandong subong nga balaan nga mga inadlaw kag magpangamuyo nga magluntad ang paghidait sa tanan.
