ROXAS CITY – Nagapati ang isa ka basketball coach sang isa ka kilala nga basketball team sa syudad nga dako nga bagay ang homecourt advantage sa isa ka hubon sa hinampang nga basketball.
Sa pagpakig-angut sang Bombo Radyo kay coach Jeffrey Abool sang Jaguars, ginpahayag sini nga sa Game 3 sa tunga sang Boston Celtics kag Golden State Warriors, kinahanglan nga mag-adjust sang Celtics sa ila nga turnovers, missed shots kag error sa nangin hinampang sa Warriors agud mabawi ang hinampang sa Game 3.
Dako man ang tiyansa nga magadaog ang Celtics sa Game 3 bangud sa homecourt advantage.
Matandaan nga gintambakan sang Warriors ang Celtics sa Game 2 sa best of seven series sang 2022 NBA Finals, sa score nga 107 – 88.
Bangud sini, ginpatas sang Warriors ang serye sa 1-1.
Bantayan ang Game 3, sa Huwebes nga adlaw, Hunyo 9, alas-9 sa aga, oras sa Pilipinas.
