Madamo nga pagkaon ang uso sa karun ilabi na nga ang mga Pilipino mahilig magkaon.
Isa na sa trending sa karun amu ang tanghulu ukon glass fruit kun tawgon.
Ini ang mga prutas nga nakaputos sa gintunaw nga kalamay.
Apang dali lang! may paandam ang eksperto nga indi maayo ang recipe sang mga homemade tanghulu.
Suno sa Shriners Children’s Boston, ang paghimo sini mahimo nga magresulta sang serious scald burn.
Sa pagkamatuod, bangud sa homemade tanghulu trend sa TikTok, madamo na nga mga kabataan ang ginpadangat sa emergency room bangud sa paso nga naangkon.
Mahibaluan nga ang gintunaw nga kalamay nga ibutang sa prutas kinahanglan nga initon sang at least 300 degrees Fahrenheit agud ma-achieve ang glass fruit look sini.
Nagpaandam man si Ann Reardon, isa ka Australian dietician, nga ang “microwave safe” nga bulutangan mahimo nga mawasak ukon mapusa kung tumn ka init ang temperature.
Sa tion nga mapaso ukon makaangkon sang severe burn, gilayon nga kuhaon ang kabataan malapit sa hot liquid, kuhaon man ang panapot kung sa diin napaso, palamigon ang paso gamit ang malamig nga tubig kag likawan nga butangan sang yelo.
