Hot Pursuit Operation sang mga militar nagapadayon kasunod sang engkwentro batuk sa mga rebelde nga grupo

ROXAS CITY – Kapin sa 10 tubtob 15 minutos ang pagbayluhanay sang lupok sang Philippine Army kag sang ginapatihan nga New People’s Army sa Barangay Siya, Tapaz, Capiz.

Sa interview sang Bombo Radyo kay Major Cenon Pancito III, tagpamaba sang 3rd Infantry Division sang Philippine Army, iya ginpahayag nga wala sang may napilasan ukon napatay sa bahin sang 12^th Infantry Battalion.

Mahibaluan nga samtang nagapatigayon sang combat operation ang mga militar sang naka-engkwentro ang kapin 5 ka NPA members.

Ginpahayag ni Pancito nga nagpalagyo ang mga ginapatihan rebelde kag nakuha sa encounter site ang pila kagamitan kapareho sang mga homemade shotgun, caliber nga armas luthang kag iban pa.

Padayon naman ang hot pursuit operation sang militar agud nga madakpan ang mga rebelde nga nagapatigayon sang mga kalakasan sa nasambit nag lugar.