Nagapadayon ang hot pursuit sang mga kapulisan sa suspek nga nagbuno sa iya sini bayaw sa Brgy. Ibaca, President Roxas, Capiz.
Ang biktima amo si alyas Perlito, 24 anyos, kag ang suspek amo si alyas Macoy, laborer yara sa legal nga pang-edaron lunsay mga residente sang nasambit nga lugar.
Sa interview sang Bombo Radyo kay Police Captain Alladen Talaban, Officer-in-Charge sang President Roxas Municipal Police Station ,iya ginpahayag nga samtang nagakatulog ang biktima sa sulod sang ila puluy-an, nag-abot ang suspek nga ginaalegar yara sa impluwensya sang makahulubog nga ilimnon kag nagtuga sang gamo.
Bangud sini, ginkomprontar sang biktima ang suspek kag diri na nagluntad ang mainit nga pagbinaisay sa tunga sang duha nga nagresulta sa pagpangbuno.
Gilayon naman nga ginpadangat sa ospital ang biktima para sa nagakaigo nga pagbulong.
Samtang, madasig naman nga nagpalagyo ang suspek sa wala mahbal-an nga direksyon.
Sa subong, padayon ang imbestigasyon sang mga kapulisan angut sa insidente.
