Ginpasiguro ni House Justice Committee member kag Manila Representative Joel Chua nga wala sang ‘grandstanding’ nga nagakatabo sa impeachment proceedings batok kay Vice President Sara Duterte.
Kasunod ini sang nauna nga kritisismo ni Former Chief Presidential Legal Counsel Salvador Panelo nga ginagamit sang mga katapo sang komitiba ang oportunidad agud makakuha sang libre nga publicity, ilabi na nga malapit na ang 2028 elections.
Suno kay Chua,nagaserbe man nga chairman sang House Committee on Public Accountability and Good Government, nakahibalo ang committee chair nga si Rep. Gerville Luistro kag ang publiko nga wala ginahatag ang ‘probing questions’ gani wala sang may makaagi nga luyag mag-grandstanding.
Ginpahayag man sini nga mataas ang standard nga gin-apply sa hearing kag ang mga pamangkot lamang nga direkta nga may kaangtanan sa ebidensya kag affidavit ang ginapahanugutan.
Dugang pa sini nga wala sang may gina-exclude bisan pa nga miyembro ini sang minority ukon majority, samtang bukas man sa publiko ang record sang hearing.
Ginpanindugan ni Chua, disiplinado ang mga katapo sang justice panel – wala sang apelasyon, wala sang eksena, kag sa baylo nakabase lamang sila sa ila trabaho.
