Bukas si House Committee on Dangerous Drugs Chairman kag Bukidnon Representative Jonathan Keith Flores nga paga-tun-an liwat ang pagbalik sang silot nga kamatayan sa pungsod.
Sa isa ka interview, ginsiling ni Flores nga posible pagabasehan ang bug-at sang pagkaulamid sa iligal nga droga kasubong sang pagpalusot sang tinolada sini.
Apang indi pwede nga silotan sang death penalty ang mga small time drug pushers kag kinahanglan nga ipaidalom sa rehabilitation ang mga drug addict.
Ginpunto ni Flores nga kinahanglan tutukan ang pagresponde sang pulisya kag operasyon sang PDEA.
Nagapati naman ang kongresista nga ang isyu sa iligal nga droga ang maiangot man sa kapigaduhon.
Pahayag pa ni Flores nga mangayo man siya sang briefing sa PDEA agud hibaluon ang sitwasyon sang ilegal nga droga sa Pilipinas agud mangin mas madali ang pag-file sang mga kinhanglan nga layi.
