Plano sang House Infrastructure Committee (InfraComm) nga magpangayo snag opisyal nga kopya sang ginatawag nga “Cabral files” gikan sa Department of Public Works and Highways (DPWH), may kaangtanan sa imbestigasyon sa ginaalegar korapsyon sa mga flood control projects.
Suno kay InfraComm co-chairman kag Bicol-Saro Partylist Rep. Terry Ridon, pormal nila nga pangayuon ang mga dokumento sa masunod nga semana, sa pagpati nga may yara pa sang kaugalingon nga kopya ang DPWH bisan pa nga ginpalab-ot na ini sa Office of the Ombudsman sang Disyembre 23, 2025.
Ginklaro sang mamalidha nga ang nasambit nga lihok indi agud pamatukan ang mga dokumento nga ginpagwa ni Batangas Rep. Leandro Leviste, kundi agud may yara sang opisyal kag kumpleto nga record ang komitiba, ilabi na nga suspendido ang InfraComm hearing samtang yara sa pwesto ang Independent Commission on Infrastructure (ICI).
Gintumod man nga kinahanglan nga magkuha sang “authentic” nga kopya sang mga files agud indi ini magamit batok sa mga katapo sang Kamara.
Sa subong ginahulat sang Kamara kon magapasaka sang ethics complaint ang DPWH batuk kay Batangas Rep.Leandro Leviste angut sa ginaalegar illegal acquisition sang mga dokumento.
Suno sa report, pila ka mga katapo sang DPWH ang nagpahayag nga nag-antos sang paper cuts si Cabral sang pwersa nga ginkuha ni Leviste ang pila ka mga dokumento sa iya mga kamot kag ginkopya ang mga file sa talatapan sang DPWH.
