House keeper nakahunong na sa karsel sang Roxas City PNP matapos nga ginserbihan sang WOA

ROXAS CITY – Dakop ang isa ka 27-anyos nga house keeper matapos nga ginserbihan sang warrant of arrest sang gintingub nga puwersa sang mga kapulisan sa Barangay Culasi, Roxas City.

Ginkilala ang nadakpan kay John Ray Tacud sang nasambit nga lugar.

Kaso nga Libel kag Cybercrime ang ginapangatubang sang nasambit nga arestado.

Ang nasambit nga warrant of arrest ginpirmahan kag gin-isyu ni Hon. Esperanza Isabel E. Poso Deslate, Judge RTC Branch 19, Roxas City nga ginpetsahan sadtong Enero 6, 2020.

Ginrekomendar naman sang korte ang P24,000 nga piyansa para sa temporaryo nga kahilwayan sang akusado.

Sa karon, nakahunong na sa karsel sang Roxas City Police Station ang nasambit nga suspek.