Gindepensahan ni House Lead Prosecutor Representative Gerville Luistro ang nauna nga online post ni Atty. Amando Ligutan sa indi mabaton nga paggamit sang mga nagapatalang nga mga pamangkot sa korte.
Suno kay Luistro, wala sang probisyon nga ginlapas ni Atty. Amando Ligutan may kaangtanan sa iya post sa social media.
Ginrason sang mamalidha nga ang ginadumilian lang amo ang pagkomento sa aktwal nga merit ukon substance sang kaso.
Sa baylo suno sa iya, ang online post ni Ligutan ang nagasulod lamang sa procedural matter agud maklaruhan ang pamangkot sang publiko kag indi ang mga subjects nga pagabotohan sang mga senador-judges sa palaabuton.
Suno sa iya, basta procedural lang ang isa ka komento kag wala nagatumod sa merit, ginapahanugutan ini sang rules sang Senado bilang impeachment court.
Sa pihak sini, luyag man suno sa iya sang House panel nga makaangkon sang maathag nga giya gikan sa korte angut sa sub judice rule para sa mas hugot nga pagsunod sa amo nga pagsulundan.
