Hugot nga ginpanginwala ni House Majority Leader Ferdinand Alexander “Sandro” Marcos ang akusasyon ni former congressman Zaldy Co nga may ginpasulod ini nga P50.9 billion sa national budget.
Sa statement nga ginpaguwa ni Marcos, iya ginpahayag nga bisan sin-o lang ang mahimo nga magpungko sa atubang sang camera kag magsugid sang mga binutig.
Maisog man nga ginpahayag sang presidential son nga wala sang kredibilidad si Co kag ginapalibog lamang ang ulo sang publiko.
Suno sa iya, ang mga videos sang anay mamalidha ang may tinutuyo nga i-destabilize ang gobyerno.
Pahayag ni Marcos, luyag ni Co nga dagdagon ang administrasyon subong agud malikawan sini nga magsabat sa mga akusasyon batuk sa iya.
Gintuad pa sang natungdan nga ang rason sang pagkakas kay Co bilang Appropriations Committee chair amo bangud nakit-an sang myembro sang Kamara ang mga senyales sang pagkagamhanan sini kag kurapsyon.
Nagpanawagan si Marcos sa publiko nga indi magpati kay Co kag gintawag pa niya ini nga criminal nga nagapalagyo sa hustisya.
