Nagalaum ang house minority nga ang ila mga proposal pagabinagbinagon sa GAA 2026.
Sa Turno en Contra, gin-anunsyo ni House Minority Leader Marcelino Libanan nga apisar nakahibalo sila nga ang kabubut-on sang mayorya ang pirme sundon sa proseso sang pagboto, nagalaum sila sa gihapon nga mahatagan sang emphasis kag ilakip ang ila mga puntos sa tion sang mga pag-amyenda tubtob sa Bicameral Conference Committee.
Ginsambit man sang Minorya bilang isa ka maayo nga halimbawa sang paghiusa sa tunga sang duha ka partido ang tingub nga alokasyon sang ₱12.3 bilyones sa pagpuno sang Universal Access to Quality Tertiary Education funding gap halin 2022 tubtob 2025.
Gin-alokar ini sa mga State Universities and Colleges (SUCs) kag sa Commission on Higher Education (CHED).
Nagpanawagan ang Minorya para sa mas mabaskog nga paghiliusa para sa kaayuhan sang pungsod.
Ang GAA 2026 ang ginapaidalom sa maid-id nga pagrepaso sang Kamara antes ini aprubahan kag mangin layi.
