MANILA, Philippines – Gin-aprubahan sang House of Representatives sa pagpanguna ni Speaker Faustino “Bojie” G. Dy III, sa ikatatlo kag katapusan nga pagbasa ang House Bill No. 9697, para sa dugang pondo kag duta para sa socialized housing projects.
Suno kay House Majority Leader Ferdinand Alexander “Sandro” Marcos, ang pagapruba sang layi nagatinguha nga mapauswag ang pagpatuman sang mga programa sa socialized housing pinaagi sa pag-amendar sang pila ka provision sang Urban Development kag Housing Act of 1992.
Pahayag pa niya, pinaagi sa ini nga tikang, mahimo magamit sang gobyerno ang mga wala nagamit, na-foreclose kag kulang ang paggamit nga mga duta agud mahimo nga luwas nga permanente nga puluy-an sang Pilipino nga nagakinahanglan sang balay.
Lakip sa pagatutukan sa pag-angkon sang duta kag paghimo sang bilang proyekto sang housing projects ang mga masunod:
Community mortgages, land swapping, land consolidation, land banking, donations, joint ventures, negotiated purchases, direct purchases, kag unsolicited proposals under the Public-Private Partnership Code.
Dugang pa sang natungdan, ginapabakod sang ginapropose nga layi ang mga pamaagi sa pag-angkon sang duta kag pagtukod sang housing projects lakip ang community mortgage, land swapping, land banking, joint ventures, negotiated purchase, direct purchase kag public-private partnerships.
Suno pa kay Marcos, prayoridad ang informal settler families, kubos, wala sang puluy-an, naapektuhan sang dalagku nga proyekto sang gobyerno, samtang ginatuyo man nga mapadasig ang pagproseso sang mga permit kag clearance sa sulod sang 90 ka adlaw.
Ang mga masunod amo ang mga nag-aprubar, magluwas sakay Dy kag Majority leader:
Amado Carlos A. Bolilia IV, Antolin Oreta III, Antonio A. Ferrer, Audrey Kay T. Zubiri, Bryan B. Revilla, Carl Nicolas C. Cari, Edwin L. Gardiola, Eleandro Jesus Madrona, Elijah Rumbaoa San Fernando, Eric L. Olivarez, Ernesto M. Dionisio Jr., Ferdinand “B1” L. Beltran, Gerald Cloyd Alexis V. Galang, Henry “Indy” Oaminal Jr., Howard A. Guintu, Irene G. Labadlabad, Jan “Atty. JP” Padiernos, Jennifer “Karen” A. Lagbas, Kenneth Paolo Tereng, Kenneth T. Gatchalian, Lani Mercado-Revilla, Leila M. De Lima, Ma. Victoria Co-Pilar, Maria Cristina C. Angeles, Mark Anthony G. Santos, Miro S. Quimbo, Munir G. Arbison Jr., Nelson S. Legacion, John Tracy C. Cagas, Ramon Jolo Revilla III, Rennee Co, Roger Gaviola Mercado, Rolando M. Valeriano, Roman Romulo, Ronaldo Puno, Roy M. Gonzales, Roy M. Loyola, Rufus Rodriguez, Sergio C. Dagooc, Sonny “SL” S. Lagon, Steve Chiongbian Solon, Terry L. Ridon, Waldredo Arman R. Dimaguila Jr., kag Zaldy S. Villa.
Sa karon, ang gin-aprubahan nga House Bill No. 9697 nahibaluan nga pinaagi sa boto nga 205 pabor, tatlo ang nagkontra kag wala sang nag-abstain, kag nagahulat na lamang ini sang masunod nga proseso agud mangin isa ka layi.
