Pormal na nga ginrefer sang House of Representatives ang duha ka verified impeachment complaints batok kay Presidente Ferdinand R. Marcos Jr. sa Committee on Justice, pagkatapos nga ginlakip ini sa Additional Reference of Business sang plenaryo.
Ginpangunahan ni Deputy Speaker Yevgeny Vicente “Bambi” Emano ang session sang ginhimo ang referral.
Ang una nga reklamo, nga ginpasaka sang Enero 19, 2026, gikan kay Atty. Andre R. De Jesus kag gin-endorso ni Deputy Minority Leader kag Pusong Pinoy Party-list Rep. Jernie Jett Nisay.
Samtang, ang ikaduha nga reklamo nga ginpasaka sang Enero 26, 2026 ang naghalin sa mga aktibista kag pribado nga indibidwal sa pagpanguna nanday Liza Maza, Teodoro Casiño, Renato Reyes Jr., Atty. Neri Colmenares, kag Ronaldo “Ka Jerome” Adonis, kag gin-endorso sang ACT Teachers, Gabriela, kag Kabataan party-list representatives.
Pagkatapos nga mabasa ang mga titulo sa plenaryo, opisyal na nga gin-refer ang mga reklamo sa Committee on Justice,, nga magarepaso sini para sa nagakaigo nga porma kag kaundan suno sa Konstitusyon kag mga pagsulundan sang Kamara.
Ginhatagan pagtamod sang mga lideres sang Kamara nga ang referral wala nagakahulugan nga may nahimo na nga desisyon sa merito sang mga reklamo, kundi nga ini ang umpisa pa lang sang proseso sang pagrepaso suno sa kasuguan.
