MANILA, Philippines – Posible nga maguwa sa katapusan sang sini nga bulan ang committee report sang House Committee on Suffrage and Electoral Reforms parte sa kasuguan nga nagapangabay nga i-postpone ang Barangay kag Sangguniang Kabataan Elections ukon “BSKE”, nga natalana sa Nobyembre 2, 2026.
Sa ginpahayag ni House Committee on Suffrage and Electoral Reforms Chairperson Representative Zia Alonto Adiong, matapos ang hearing sang committe sang kahapon nga adlaw parte sa proposed bill nga nagapangabay nga i-postpone ang eleksyon.
Suno kay Adiong, kadam-an sa mga naga-propose sang postponement ang naghatag rason nga kinahanglan i-reschedule ang eleksyon bangud sa nagapadayon nga krisis sa Middle East nga may epekto man sa ekonomiya.
Sa amo man nga hearing, ginpahayag ni Commission on Elections Chairperson George Erwin Garcia sang Supreme Court parte sa postponement sang BSKE.
Samtang suno kay Garcia ang desisyon sang Supreme Court “SC”, sa kaso nga Macalintal vs. Comelec, kun sa diin gindeklarar nga unconstitutional ang una nga postponement sang BSKE nga natalana tani sang Disyembre 5, 2022 tubtob sa katapusan nga Lunes sang 2023.
Dugang naman ni Adiong, gina-account sang commitee ang timeline sang Comelec sa pagpanghanda para sa 2026 elections, kag padayon pa nila nga ginatunan ang mga isyu kag concern nga ginpresentar sa hearing.
Ginagpangabay namn ni Garcia sa mambabatas nga kun mahimo, mahibaluan na ang desisyon parte sa eleksyon antes mag-September subong nga tuig agud malikawan ang posible nga mga problema sa preparasyon kun magdugay pa ang desisyon.
Sa karon, padayon ang diskusyon sang House committee sa mga proposed bill, lakip na ang posible nga paglapas sa guidelines nga ginamando sang SC sa Macalintal ruling, agud mabanta nila ang tuyo nga i-postpone ang BSKE nga wala sang paglapas sa constitutional nga policy.
