Ginkalipay naman sang House prosecution ang progreso sang impeachment trial batok kay Vice President Sara Duterte kasunod sang pagtapos sang deliberasyon sa isa ka articles of impeachment.
Suno kay House Prosecutor Rep. Gerville Luistro, tatlo pa ka mga articles ang natalana nga istoryahan lakip na ang isyu sang confidential funds gani nagahanda sila para sa palaabuton nga mga hearing.
Ginpahayag ni Luistro nga nagapabilin nga malaumon ang prosekusyon sa ila kaso, ginhatagan pagtamod nga ang mga testimonya nga ginhatag ni NBI Senior Agent John Mark Calilung, NBI Regional Director Atty. Jeremy Lotoc, kag NBI Director Melvin Matibag nangin komprehensibo kag makawiwili.
Dugang pa niya nga ang mga testigo nga ini may daku nga papel sa pagpabakod sang mga ebidensya nga ginpresentar sang prosekusyon sa impeachment court.
