House prosecution, kumpiyansa sa mga testigo nga ginpresentar angut sa Article IV sang impeachment complaint

Nagpabutyag sang pagsalig si House Prosecutor Rep. Lorenz Defensor sa mga testigo nga ginpresentar sang prosecution angut sa Article IV sang impeachment complaint, nga naga-angut sa mga alegasyon sang grave threats batok kay Vice President Sara Duterte.

Suno kay Defensor, nagapabilin sila nga kumpiyansa sa kredibilidad sang mga testigo nga nakapamatuod na sa atubang sang impeachment court.

Ginpabutyag man niya nga bisan pa nga ang ila mga witness sulitsulit nga pamangkuton sa tion sang cross-examination, ang ila mga pahayag indi magbag-o.

Suno sa iya, nagapabilin nga solid ang testimonya sang ila mga testigo bangud wala sang iban nga ginpresentar ang mga ini kundi ang kamatuoran sa impeachment court.