Nagapati si House Prosecution Spokesperson kag Kabataan Party-list Representative Renee Co nga napat-od ang importansya sang mga documentary evidence sa ikaduha nga adlaw sang impeachment trial ni Vice President Sara Duterte.
Sa interview sang Bombo Radyo kay Co, iya ginpahayag nga na-establisar sa proceedings ang video nga nagtuon sang Article IV sang Articles of Impeachment may kaangtanan sa ginatawag nga “grave threats” batok sa mga mataas nga opisyal sang pungsod.
Suno kay Co, napat-od man sa kon paano narekord ang video kag kon paano ini nakuha sang isa ka agent sang National Bureau of Investigation (NBI), nga kabahin sang pag-establisar sang authenticity kag chain of custody sang ebidensya.
Dugang pa ni Co, importante ang mga documentary evidence bangud ini nagasuporta sa mga ebidensyang nga ginapresentar sang House prosecution sa impeachment proceedings.
