Ginalauman sang House prosecution panel nga mapresenta ang ila una nga witness sa pagbukas sang impeachment trial ni Vice President Sara Duterte sa Hulyo 6 sa Senado.
Suno kay House prosecution panel legal spokesperson nga si Benjamin “Jay” Tolosa Jr., ang pagpresentar sang mga testigo kag ebidensya magasugod gilayon sa una nga adlaw sang hearing.
Ini pagahiwaton kada Lunes tubtob Miyerkules antes ang State of the Nation Address (SONA), Pagkatapos sini, ang trial schedule magasaylo sa Martes tubtob Huwebes kada semana.
Ang prosecution naghingyo sang 62 ka adlaw nga hearing para sa pagpresenta sang ebidensya, samtang ang depensa naghingyo amn sang 30 ka adlaw.
Matandaan nga ang pre-trial proceedings natapos sang Hunyo 25 kon sa diin naghatag ini sang dalan para sa pagsugod snag impeachment trial sa Hulyo 6.
