Nagpabutyag sang pagsalig ang House prosecution panel nga magapadayon ang impeachment trial kay Vice President Sara Duterte matapos pormal nga mag-convene ang Senado bilang impeachment court.
Suno kay lead prosecutor kag Batangas Rep. Gerville “Jinky Bitrics” Luistro, wala sang legal impediment sa pagpadayon sang trial bangud wala pa sang temporaryo nga restraining order ang Korte Suprema.
Ginpanindugan ni Luistro nga ang Constitutional mandate “forthwith” indi lamang para sa pagtawag sang impeachment court kundi para man sa gilayon nga pagsugod sang trial, lakip na ang pagpresentar sang mga ebidensya kag testigo.
Gin-athag man sini nga magapadayon ang trial bisan indi mag-atubang ukon magsumite sang sabat si Duterte sa reklamo, bangud automatic nga makabig ini nga plea of not guilty suno sa pagsulundan sang Senado.
Samtang, ginpahayag ni Akbayan Rep Chel Diokno nga handa na ang prosecution panel kag wala sila sang nakita nga upang sa proseso.
Una na nga ginmanduan sang Senado si Duterte nga magsumite sang sabat sa articles of impeachment sa sulod sang 10 ka adlaw halin sa pagbaton sang summon. Pagkatapos sini, ang pre-trial kag trial proper ang iga-iskedyul.
