Nagalaum ang House prosecution panel sa impeachment trial ni Vice President Sara Duterte nga pahanugutan sila sang Senate Impeachment Court nga ipresentar sang bug-os ang ila mga ebidensya agud mahangpan sang publiko ang kabug-aton sang mga akusasyon batok sa bise presidente.
Suno kay Manila Representative Joel Chua, katapo sang prosecution panel, ang ila ginahingyo amo lamang nga mahatagan sila sang kahigayunan nga mapresentar sang husto ang ila mga ebidensya.
Importante suno sa iya ang impeachment trial bangud nakataya ang responsibilidad kag dapat magpangibabaw ang kamatuoran.
Nahibaluan nga natalana nga magasugod ang impeachment trial ni VP Sara sa Hulyo 6.
Dugang pa ni Chua nga madugay na sila nga nagapreparar kag himuon ang tanan agud mapresentar ang ila mga ebidensya.
