House Prosecution Panel, naghatag sang hint nga magapresentar sila mabaskog nga ebidensya sa impeachment trial ni VP Sara sa masunod nga semana

Naghatag sang hint ang mga House prosecutors nga magapresentar sila sang mas mabakod nga ebidensya sa tion nga magbalik ang impeachment trial kay Vice President Sara Duterte sa masunod nga semana.

Suno kay House Prosecution Legal Spokesperson Atty. Benjamin “Jay” Tolosa Jr., indi pa nila mabuyagyag ang detalye sang mga ebidensya nga igapresentar bangud sa nagapangibabaw nga sub judice rule, nga nagadumili sa public discussion sang mga bagay nga wala pa pormal nga mapresentar sa impeachment court.

Dugang pa ni Tolosa nga ang ginahambalan nga mga ebidensiya mahimo lamang nga istoryahan sa publiko sa tion nga mapresentar na ini sang ila mga witness sa atubang sang Senado sa palaabuton nga mga hearing.