Plano sang House prosecution panel nga ipa-subpoena si Vice President Sara Duterte agud mapilitan ini nga magtestigo sa tion sang pagpresentar sang mga ebidensya angut sa impeachment article sa mga alegasyon sang grave threats.
Suno sa prosecution counsel nga si Atty. Lorna Kapunan, tuyo sang prosecution nga mag-file sang subpoena request sa sulod sang 11 ka adlaw sang trial nga gintalana para sa pagpresentar sang ebidensya para sa Article IV.
Suno kay Atty. Kapunan, ang request ang iga-file sa Martes suno sa mga pamaagi sang korte kag pagaupdan sang legal memoranda gikan sa depensa kag prosekusyon.
Ginpahayag naman ni Trial Presiding Officer Francis Escudero sa prosekusyon nga magadesisyon siya sa request kun pormal na nga ma-file sang request ang panel sang written motion.
