Posible nga indi magpresentar sang ebidensya ang House prosecution panel angut sa bribery charge batok kay Vice President Sara Duterte kun magkulang sa oras ang impeachment trial.
Suno sa prosecution spokesperson Atty. Benjamin Tolosa Jr., tuyo nila nga tapuson ang pagpresentar sang ebidensya sa tungatunga sang Oktubre, antes isaylo sang Senado ang iya pokus sa ₱7.2-trillion nga national budget para sa 2027.
Ginpahayag ni Tolosa nga ginakonsiderar sang prosekusyon ang nabilin nga tion para sa trial antes magdesisyon kun padayunon ang pagpresentar sang ebidensya may kaangtanan sa bribery allegation.
Magluwas sa bribery, ginalakipan sang kaso sang impeachment ang mga alegasyon nahanungod sa confidential funds, unexplained wealth, kag mga pamahog nga ginhimo batuk kay President Ferdinand Marcos Jr., First Lady Liza Araneta-Marcos, kag anay House Speaker Martin Romualdez.
Samtang, gina-evaluate man sang prosekusyon kon bala kinahanglan nga ipresentar ang tanan nga financial records nahanungod sa unexplained wealth allegation, bangud sa kadamuon sang mga dokumento nga kinahanglan isumiter sa korte sang impeachment.
