Mahimo nga indi magamit sang House prosecution panel ang bug-os nga 31 ka adlaw nga gintalana para sa pagpresentar sang ebidensya sa Article I sang impeachment trial ni Vice President Sara Duterte bangud sa judicial notice sang Senate impeachment court sa official records sang Kamara.
Suno Kay private prosecutor Atty. Lorna Kapunan, mahimo mabuhinan ang mga dokumento kag testigo nga kinahanglan ipresentar bangud ginkilala sang impeachment court ang pila ka mga rekord sang Kamara.
Bangod sini, indi na magtestigo ang House archives official nga si Marivic Pareja nahanungod sa custody kag transmittal sang mga rekord.
Dugang pa ni Kapunan, mahimo man nga mabuhinan ang numero sang mga witness bangud sa nauna nga mga testimonya, lakip na ang anay OVP special disbursing officer nga si Gina Acosta.
Nahibaluan nga lakip sa Article I ang gina-alegar misuse, misappropriation, kag irregular liquidation sang P612.5 million nga confidential funds nga ginapanag-iyahan sang Office of the Vice President kag sang Department of Education.
