-- ADVERTISEMENT --
Ginkwestyon ni House prosecutor Terry Ridon ang pahayag ni Vice President Sara Duterte nga “I can hire a gunman for P5,000” kag kag nagpamangkot kon amo lang gid bala ina kabarato ang kabuhi ni President Ferdinand Marcos Jr. kag sang iya pamilya.
Matandaan nga nagpahayag si VP Duterte kon sa diin gingamit sini ang halimbawa nga kun ang iya bana ang may kabit, makakuha siya sang gunman sa balor nga P5,000 agud ipakita, suno sa iya, ang kabug-at sang problema sa gun violence sa Pilipinas kag ang isyu sang extrajudicial killings (EJK).
Suno kay Ridon, ang ini nga sahi sang pahayag ang nagapakita sang delikado nga paminsaron kag indi dapat gamiton bilang halimbawa sang isa ka mataas nga opisyal sang gobyerno.
