MANILA, Philippines – Ginhingyo sang House prosecution panel sa Senate impeachment court ang pagbukas sang kahon nga nagalakip sang tax records ni Vice President Sara Duterte, agud mamarkahan ini sa pretrial stage sang iya impeachment case.
Suno sa prosecution panel, makabulig ini agud mapadasig ang proseso sang hearing kag malikawan ang posible nga delay sa trial proper.
Ginpahayag man ni Lanao del Sur Representative Zia Alonto Adiong, nga mas maayo nga mabuksan na ang kahon agud “wala sang surpresa” sa masunod nga mga proceedings.
Samtang green box nga nagalakip sang tax records ni Duterte kag sang iya bana nga si Manases Carpio ginturn-over sang Bureau of Internal Revenue sang Abril, apang ginpabilin ini nga sealed bangud sa privacy provisions sang National Internal Revenue Code.
Sa karon padayon ang pretrial sang impeachment case batok kay V PDuterte nga naga-atubang sang mga akusasyon may kaangtanan sa confidential funds, unexplained wealth, bribery kag death threats batok sakay President Ferdinad Marcos Jr., kag iban pa nga opisyal sang gobyerno.
