Ginarekomendar sang House quad committee nga pasakaan sang kaso nga kriminal si former President Rodrigo Duterte kag anay mga aides sini nga sanday Senator Ronald “Bato” dela Rosa kag Christopher “Bong” Go.
May kaangtanan ini sa pagkaulamid nila sa extrajudicial killings sa nakaligad nga administrasyon.
Sa progress report sang Quad Committee, ginbasa ni quad committee chairperson Surigao Del Norte Rep. Robert Ace Barbers nga maathag ang paglapas nila kag kinahanglan nga pasakaan sila sang kaso sa idalom sang Section 6 ukon other crimes against humanity sang Republic Act 9851 ukon kilala bilang “Philippine Act on Crimes Against International Humanitarian Law, Genocide kag pila ka Crimes against Humanity.
Kalakip man nga ginrekomendar nga pasakaan sang kaso sanday former PNP chief Oscar Albayalde , Debold Sinas, former police officers Royina Garma, Edilberto Leonardo kag Palace aide Herminia “Muking” Espino.
Dugang pa ni Barbers nga sadtong Nobyembre 13 sang ginpatawag ang anay pangulo, ginkumpirmar sini ang pag-exist sang reward system nga target ang mga drug personalities gamit ang nabilin nga campaign funds para magamit sa reward system.
Ginkumpirman man ni Duterte sadtong ginpatawag naman ini sa senado nga ginganyat sini ang mga kapulisan nga piliton nga magbato ang mga suspek nga nagkaladakpan para ma-justify ang amu nga pagpatay.
Ginsumiter na sang House of Representatives ang findings kag recommendations sang Quad Comm sa mga ahensiya para sa nagakaigo nga aksyon.
