Tuman ang pagpangasubo sang Kamara sa pagtaliwan ni Antipolo City 2nd District Rep. Romeo Macusi Acop suno kay Speaker Faustino “Bojie” G. Dy III.
Sa iya pahayag, ginlaragway ni Speaker Dy si Acop bilang isa ka tampad, maisog, kag malig-on nga public servant nga nagserbe nga modelo sang integridad sa serbisyo publiko.
Suno kay Dy, sa tagsa ka papel nga ginhimo ni Acop, maathag ang iya pagpati nga ang kasuguan dapat magserbe sa kaayuhan sang mga pumuluyo.
Dugang pa ni Dy, daku nga kapierdihan para sa Kongreso, syudad sang Antipolo, kag sa bug-os nga pumuluyong Pilipino ang pagtaliwan sang mamalidha.
Pahayag pa ni Dy, magapabilin nga buhi ang halimbawa ni Acop bilang isa ka dungganon kag tampad nga public servant.
Nagabuylog man ang Kamara sa pagpangasubo sang pamilya, mga abyan, kag mga pinalangga sang nagtaliwan nga kongresista.
