Nagapanawagan si House Speaker Faustino “Bojie” Dy III sa sini nga Pride Month para sa isa ka katilingban nga may patas nga dignidad, respeto, kag oportunidad para sa tanan nga Pilipino nga wala naga-eksperyensya sang diskriminasyon.
Sa iya video message, ginpahayag ni Dy nga sa sini nga bulan ginasaulog ang kaisog nga mangin matuod sa kaugalingon kag nagapahanumdom nga ang tagsa ka tawo may importante nga lugar sa katilingban.
Ginhatagan pagtamod sang House Leader nga ano man ang ginhalinan, pagpati, ukon identity sang isa ka tawo, indi ini dapat mangin rason sa pagpakanubo ukon pagdiskriminar bangud ang pagtahod sa dignidad sang tawo isa ka kinamatarong sang tanan kag indi pribilehiyo sang pila lang.
Suno kay Dy, matigayon ang matuod nga pagkapatas kon ang tagsa ka pumuluyo hilway nga makaamot sang ila talento kag hilway nga makatrabaho para sa ila mga handom nga wala sang kahadlok sa paghukom.
Dugang pa niya, ang mga komunidad mangin mas malig-on kag nagahiusa kon may yara sang pagbaton kag pag-ulikid sa isigkatawo.
Ginpanginbulahan sang Speaker ang LGBTQIA+ nga komunidad kag gin-engganyo ang mga Pilipino nga magbinuligay sa pagtukod sang mas inklusibo kag makatarunganon nga palaabuton para sa tanan.
