MANILA, Philippines – Supportado ni House Speaker Faustino “Bojie” Dy III, gin-aprubahan nga tikang sang komite nga nagatinguha sa pagtukod sang isa ka nationwide Integrated Emergency Medical Services System “EMSS”, may kaangtanan sa 911-style emergency response system.
Ang consolidated measure combines “House Bills Nos. 673, 2672, 3145, 3973, 4139, 5456, 5643, 7925, kag 8417”, nagatinguha sang pagtukod standardized emergency medical services sa pungsodnon, rehiyonal, lokal kag lokal nga lebel.
Sa pahayag ni Dy nga ang nasambit nga tikang ang magasabat sang madugay na nga gaps sa emergency response capabilities sang pungsod kag makabulig sa pagpasiguro nga ang mga Pilipino makabaton sang nagakaigo nga medical assistance malayo man ang ila lokasyon.
Suno kay House Committee on Health Chair Ciriaco Gato Jr., sa pihak sang pagluntad sang national emergency hotline sa sulod sang isa ka dekada, nagapabilin nga fragmented ang emergency medical services system sa Pilipinas.
Lakip man sa taga supporta ang Department of Health “DOH”, Undersecretary Dr. Albert Francis Domingo, kun sa diin kinahanglanon ang national standards agud masiguro nga malab-ot ang emergency medical services indi lang sa highly urbanized areas kundi pati na sa mga komunidad sa bug-os nga pungsod.
Dugang man sa nag suporta si Akbayan Rep. Percival Cendaña, isa sa mga nagapanguna nga nagsulat sang tikang, nagsiling man nga bisan may mga lokal nga inisyatibo nagikan sa Local Government Unit “LGU”, ospital, pribado nga serbisyo sang ambulansya, kag mga grupo sang mga boluntaryo, ang isa ka pungsodnon nga gambalay nga magasiguro sang tayuyon nga kalidad sang serbisyo kulang sa gihapon.
Nahibaluan sa subong, ang consolidated measure ang igapasa para sa dugang nga deliberasyon sa Kamara.
