Daog ang Houston Rockets batok sa Los Angeles Lakers sa score nga 115–96, sa Game 4 sang ila serye kag na forces sang rockets ang game 5.
Nag-umpisa sang kusog ang Rockets kag ila ginpunggan ang Lakers sa bug-os nga hampang, agod malikawan ang pagkatanggal sa unang round sang Western Conference playoffs.
Nag-ambagan ang tanan nga starters sang Houston sa ila pagdaog, nga nagpakita sang patas nga scoring sa team.
Si Amen Thompson nanguna sa Rockets nga may 23 points, samtang si Tari Eason nagdugang sang 20 points. Si Reed Sheppard naghatag man sang 17 points, kag pareho man nga nakasulod sa double figures si Alperen Sengun kag Jabari Smith Jr.
Importante man ang depensa sang Rockets nga naghatag presyon sa Lakers kag nakakuha sang madamo nga turnovers nga ila ginpahimuslan sa fast break points. Gin-dominar man sang Houston ang transition game kag ginpahinay ang opensa sang Los Angeles, labi na sa outside shooting.
Sa bahin sang Lakers, naglisod si LeBron James kag Marcus Smart sa opensa, samtang indi man makuha sang team ang ila ritmo sa duwa. Si Deandre Ayton nakab-ot sang double-double pero ginpalayas sa third quarter tungod sa flagrant foul.
Tungod sa kadalag-an, nakalikaw ang Rockets sa sweep kag ginpadayon ang serye nga magabalik sa Los Angeles para sa Game 5.
