Gin-ako sang mga Houthi rebels sa Yemen nga sila ang responsable sa pag-atake sa duha ka oil tanker sang Saudi Arabia sa Red Sea.
Ang duha ka barko nga ila ginpuntirya amo ang Encelia kag Layla, apang wala pa sang kumpirmasyon nga ang mga Houthis gid man ang naghimo sang pag-atake.
Suno kay military spokesperson nga si Yahya Saree, gin-atake ang mga barko gamit ang missile kag drone bangud nga naglapas ini sa ila ginpatuman nga naval blockade batok sa Saudi Arabia.
Sa pihak sini, luwas ang tanan nga tripulante sang duha ka barko kag wala sang may nareport nga nasamaran.
Bangud sang sunod-sunod nga mga pag-atake, nagadako ang kabalaka sa seguridad sang mga barko nga nagabiyahe sa Red Sea.
Madamo nga oil tanker ang napilitan nga magbag-o sang ruta, samtang ginapaabot sang mga eksperto nga mahimo ini magtuga sang pagsaka sang presyo sang langis sa kalibutan.
