Preparado na ang pila ka grupo sang mga relihiyoso sa igakasa nga hublag protesta sa palaabuton nga Biyernes agud pahalinon si Vice President Sara Duterte.
Ginakalakipan ini sang koalisyon sang mga Clergy and Citizens for Good Governance nga ginalauman nga pagatambungan sang mga grupo nagikan sa nagkalain-lain nga mga relihiyon kaupod ang pila pa nga mga organizations kag sectoral groups.
Ginpakigbahin ni Fr. Robert Reyes, convenor sang Clergy for Good Governance, ang nasambit nga rally ang patigayunon sa Archdiocesan Shrine of Mary, Queen of Peace ukon mas kilala bilang EDSA Shrine sa bahin sang Ortigas Avenue, syudad sang Quezon.
Paathag sini, ang paglunsyar sang hublag protesta agud ipanawagan sa kongreso nga himuon sini ang mandato sang konstitusyon sa pag-impeach sang mga malaut nga opisyal sang gobyerno nga naulamid sa isyu sang korapsyon.
Apang gin-athag naman ni Bishop Efrain Tendero sang World Evangelical Alliance nga ang ila patigayunon nga rally indi lamang nakasentro sa pagpahalin sa bise presidente, apang pati man ang mga isyu nga ginapangatubang sang gobyerno.
Dugang pa sini, sila ang non-partisan kag wala sang ginasuportahan nga bahin sa ila nga hublag protesta sa palaabuton nga Biyernes.
Sa ginpatigayon nga press conference kahapon, ginpahayag nga ginalauman nga yara sa 5,000 tubtob 10,000 ang ginabulubanta nga magapasakop sa amu nga pagtilipon.
