Hublag-protesta sa Jerusalem, nagluntad agod ipanawagan ang paghilway sang mga preso

Kapin sa 15,000 ka mga tawo ang nagpatigayon sang hublag sa Israel agud ipanawagan nga hilwayon ang mga ginpreso.

Naga-apelar ang mga protesters kay Israeli Prime Minister Benjamin Netanyahu, nga nagpasugot man sa isa ka kasugtanan sa paghilway sa nabilin nga mga bihag.

Lakip sa mga protesters ang mga himata kag supporters sang mga ginpreso nga gina-hold sang Hamas.

Ginpalibutan nila ang bug-os nga Paris Square sa Jerusalem samtang ang iban yara sa Tel Aviv.

Sa kabug-usan nga 48 ka mga ginpreso sa Gaza, ginabulubanta 20 pa ang buhi.

Madumduman nga naglab-ot sa 251 ka mga hostages ang nakuha sang Hamas sa ila pag-atake sa Israel sang Oktubre 7, 2023 sa diin ginabanta 1,200 ka tawo ang napatay.