Minilyon ka mga indibidwal ang nag-upod sa mga hublag-protesta sa tanan nga 50 ka mga estado sa Amerika agud magpanawagan sa pagpamatok sa administrasyon ni US President Donald Trump.
Nag-ugyon sila sa pagpanawagan nga wala sang isa nga mangin “hari” sa Estados Unidos.
Lakip sa mga nagpartisipar kag nagpahayag sa mga protesta amo ang pila ka mga politiko, lakip na ang mga Democratic Senators nga sanday Chuck Schumer, Chris Murphy, kag Cory Booker.
Mainit naman nga gin-abiabi si Senador Bernie Sanders paagi sa mabaskog nga pagdayaw kag palakpak sang nagsaka siya sa entablado agod maghambal sa isa ka rally sa Washington D.C.
Samtang, ginalauman naman ang Minilyon nga magapasakop sa masobra 2,700 ka mga lokasyon — halin sa magagmay nga mga banwa pakadto sa dalagku nga mga syudad — nga nagapakita sang mas malapad kag desentralisado nga hublag protesta batok kay Trump, nga una nga nagtutok lamang sa mga demonstrasyon sa Washington D.C. sa tion sang iya una nga termino bilang presidente.
