ROXAS CITY – Ginapyestahan sa karon sa social networking site nga Facebook ang hublas nga laragway kag video sang tatlo ka mga estudyante nga ginaalegar gikan sa pampubliko nga eskwelahan sa Roxas City.
Makita sa laragway nga nagalapta sa FB ang matam-is nga yuhum sang duha ka dalagita nga hublas kag nagasandig sa dingding nga nagabuka ang duha ka paa.
Samtang ginpasa pasahan naman ang video sang isa pa ka dalagita nga nagasaut nga hublas.
Mabatian ang gamay nga gahud sa nasambit nga video nga gikan sa pag-estoryahanay sang nagasaut nga dalagita kag sa nagakuha sang video.
Bangud sa bastos nga laragway kag video nga nagalapta sa FB, madamo nga mga netizen ang nabalaka kag luyag nga gilayon mahatagan sang aksyon sang tagdumalahan sang eskwelahan ang nasambit nga isyu.
