Hubog arestado matapos nga nagtuga sang kinagamo sa Barangay 8, Roxas City

ROXAS CITY – Gin-aresto kag gindala sa Roxas City Police Station sang mga opisyales sang barangay ang isa ka persona matapos nga ginaalegar nagtuga sang kinagamo sa Barangay 8, Roxas City.

Ginkilala ang suspek nga si Johnrey Paang sang nasambit nga lugar.

Base sa inisyal nga imbestigasyon sang mga kapulisan nga nagatuga sang kinagamo ang nasambit nga persona sa diin yara ini sa idalom sang impluwensya sang makahulubog nga ilimnon.

Bangud diri, ginpakamaayo na lamang sang mga opisyales sang barangay nga dal-on sa pulisya ang nasambit nga persona.