ROXAS CITY – Natumba sa iya ginamaneho nga motorsiklo ang isa ka persona sa kahabaon sang Arnaldo Boulevard, sini nga syudad, alas-8:58 kagab-i, Mayo 19.
Ang driver ang ginkilala kay Ricky Morales, 40-anyos, sang Barangay Inzo Arnaldo, sini nga syudad, nagamaneho sang Yamaha STX nga motorsiklo, wala sang driver’s license kag ginapahayag yara sa impluwensiya sang makahulubog nga ilimnon.
Sandig sa inisyal nga imbestigasyon sang traffic section sang Roxas City PNP nga nagikan sa Hughes St., ang motorsiklo kag padulong sa direksyon sang Arnaldo Boulevard, apang pag-abot sa ginbakbak nga dalan sa nasambit nga lugar, nadulaan sang kontrol sa manubela ang driver kag natumba.
Nag-angkon ini sang kapilasan sa lawas kag ginpadangat sang mga katapo sang RCERT sa RMPH.
Ginkustodiya sa Roxas City PNP ang motorsiklo sang biktima.
