ROXAS CITY – Lipong na sang gindala sa Bailan District Hospital ang isa ka hubog matapos nga ginaalegar ginsumbag sang persona nga iya man ginbanggaan sa Barangay Natividad, Pilar, Capiz.
Ginkilala ang nasambit nga persona kay Allan Noble kag residente sang Barangay Sta. Fe sang amo nga banwa.
Base sa inisyal nga imbestigasyon sang Pilar PNP nga samtang nagamaneho sang motorsiklo si Rey Pama 23-anyos sang amo nga barangay hinali na lamang ini nga ginbanggaan ni Noble kag ginsumbag sa wala matumod nga rason.
Apang, maswete naman nga nakalikaw si Pama rason nga nagbalos ini sang sumbag kay Noble nga nagresulta naman sang iya pagkalipong.
Bangud diri gilayon nga gindala sa ospital si Noble para sa nagakaigo nga pagbulong samtang temporaryo naman ginkustodiya si Pama para sa nagakaigo nga disposisyon.
