Hubog nga ginaalegar nagtuga sang kinagamo sa quarantine facility, arestado

ROXAS CITY – Arestado ang isa ka 54-anyos nga hubog matapos nga ginaalegar nagtuga sang kinagamo sa quarantine facility sa Barangay Liong, Roxas City.

Ginkilala ang nasambit nga persona nga si Raul Babela sang nasambit nga lugar.

Base sa inisyal nga imbestigasyon sang Roxas City PNP nga samtang yara sa idalom sang impluwensya sang makahulubog nga ilimnon ginaalegar nga nagtuga ini sang kinagamo.

Magluwas diri, ginaalegar nga ginpahog pa sini nga patyon ang pila ka mga indibidwal sa amo nga lugar.

Sa karon, nakahunong na sa karsel sang Roxas City Police Station ang nasambit nga arestado.