-- ADVERTISEMENT --
Subong nga tiyempo kon magpuli ka kon gab-e, gaduha-duha kapa kon bala makapa-uli ka nga safe ukon indi.
Apang mapati ka bala ayhan nga sarang mahimo sang isa ka sapat Nga updan ka tubtub Nga safe ka makaabot sa imo puluy-an?
Bangud, nag-viral sa social media ang video sang isa ka karabaw nga gin-updan ang iya amo Nga hubog agud Nga safe Nga makapuli sa ila balay.
Makita sa video ang lalaki nga nagahimakas sa paglakat samtang padayon nga ginasundan Kag naga-alalay ang karabaw.
Suno sa nakuha nga video, daw kaangay nga ginatuytuyan sang sapat ang lalaki sa husto nga alagyan padulong sa ila puluy-an.
Madamo naman sang mga netizens ang nalipay kag nagdayaw sa ginpakita nga atensyon sang karabaw sa tag-iya sini.
