-- ADVERTISEMENT --
ROXAS CITY – Nagtuga sang kahadluk sa mga residente sang Barangay Olutayan, Roxas City matapos nagpalupok ang isa ka lalaki nga hubog nga nagpakilala nga ahente sang Criminal Investigation and Detection Group (CIDG)
Sa exclusive interview sang Bombo Radyo Roxas kay punong barangay Manuel Bong Bong Aninang, ginpahayag sini nga napulo ka beses nga nagpalupok sang .45 caliber pistol si Martin Rogon sang Mindoro nga ginaalegar nagapangimon sa iya nga live-in partner.
Ginaalegar nga ginapabugal pa ni Rogon nga indi siya maaresto sang bisan sin-o nga pulis, bangud sa iya koneksyon sa pulisya.
Samtang narekober sa ginluntaran sang insedente ang lima ka mga empty shell sang nasabit nga armas.
